ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Фән һәм мәгариф

Россиядә 100 меңгә якын мәктәп укучысы дистанцион белем алуга күчкән

9 сентябрь 2019, 11:16

EdCrunch экспертлары белем бирүнең альтернатив форматына ихтыяҗ артуын билгеләп үтә.

(Казан, 9 сентябрь, «Татар-информ»). Россиядә 100 меңгә якын мәктәп укучысы яңа уку елында парта артына утырмаган, чөнки аларның әти-әниләре белем бирүнең альтернатив формаларын өстенрәк күргән. Бу хакта РИА Новости агентлыгы EdCrunch глобаль белем бирү конференциясе тикшеренүенә сылтама белән хәбәр итә.

«1 сентябрьдә Россиядә 100 меңгә якын бала парта артына утырмады, чөнки аларның әти-әниләре белем бирүнең альтернатив формаларын, шул исәптән гаиләдә укытуны кулай күрде. Мондый гаиләләрнең саны елына 100 процентка һәм аннан да күбрәккә арта», - диелә документта.

РФ Мәгариф министрлыгы мәгълүматлары буенча, 2016-2017 уку елында гомуми белем бирү учреждениеләрендә укучыларның гомуми саны 14,491 миллион тәшкил иткән, шуларның 8,5 меңгә якыны (0,058 проценты) альтернатив формада белем алган. Быел исә EdCrunch экспертлары белем бирүнең альтернатив форматына ихтыяҗ артуын билгеләп үткән. Мондый укучыларның саны 100 меңгә җитәр дип көтелә.

 

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10