ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Сәясәт

Сергей Марков: Татарстан электрон системаларны актив кертеп, алдынгы булды

8 сентябрь 2019, 18:55 , Фото: Владимир Васильев

Сергей Марков: Татарстан электрон системаларны актив кертеп, алдынгы булды Сәясәт белгече, РФ Үзәк сайлау комиссиясенең фәнни-эксперт советы әгъзасы Татарстанда тавыш бирү процессы югары дәрәҗәдә оештырылганын әйтте.

(Казан, 8 сентябрь, “Татар-информ”, Гөлнар Гарифуллина). Татарстан сайлауда электрон системаларны актив кертеп, башка төбәкләр арасында лидер санала. Сәясәт белгече, РФ Үзәк сайлау комиссиясенең фәнни-эксперт советы әгъзасы Сергей Марков бердәм мәгълүмат үзәгендә матбугат конференциясендә шулай дип белдерде.

“Татарстан гражданнарының үз сәяси позициясен белдерү мөмкинлеге бар. Электрон системалар актив кертелгән. Татарстан бу яктан традицион рәвештә Россиянең башка төбәкләрен уздыра. Күп төбәкләр сезгә лидер буларак карый”, - диде Марков.

Ул Татарстанда сайлауда тавыш бирү процессы югары дәрәҗәдә оештырылганын билгеләп үтте. “Биектауда сайлау участокларында булдык. Барысы да тыныч, сайлаучылар акрынлап килә. Сайлауның төп дулкыны – бакчага китәр алдыннан иртән һәм бакчадан кайткач кич дип уйлыйбыз”, - диде.

Сүз уңаеннан, Сергей Марков Биектауда 108 яшьлек кеше тавыш биргәнен искәртте.

Сергей Марков үзе барган участокларда барлык төп парламент партияләреннән күзәтүчеләр булганын әйтте. “Без булган җирләрдә кисәтүләр, шикаятьләр булмады”, - диде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10