ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Әлки районында яшь парлар никахлашканнан соң, сайлау участогына килде

8 сентябрь 2019, 16:50 , Фото: alki-rt.ru

Әлки районында яшь парлар никахлашканнан соң, сайлау участогына килде
Район үзәгенең Никахлашу залында узган тантанадан соң, яшьләр 738нче Салман сайлау участогына юл тотты.

(Казан, 8 сентябрь, «Татар-информ»). Әлки районының Яңа Салман авылында яшәүче яшь пар Ирина һәм Динар Мингалиевлар никахлашу тантанасыннан соң, 738нче Салман сайлау участогына  килде. Бу хакта Татарстан Бердәм мәгълүмат үзәге хәбәр итә.

Әлкилеләр Динарны җырчы буларак белә. Ул ел саен «Созвездие-Йолдызлык» фестивалендә катнашып, берничә тапкыр призлы урын ала. Егет Казанда югары уку йортын тәмамлаган. Музыкага, җырга мәхәббәт Динарны Башкортстанда туып-үскән Ирина белән танышуга этәргеч булган. Ике ел элек алар Лаеш районының Хәерби авылында икесе дә катнашкан концертта танышканнар.

«Күзләр очрашты... һәм барысы да хәл ителде. Без бер – беребездән башка яши алмавыбызны аңладык», - дип сөйләде Динар.

«Башта мин игътибар итмәскә тырыштым, әмма Динар минем йөрәгемне бик тиз яулады», - дип елмая Ирина.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10