ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Сәясәт

Владимир Путин Мәскәү шәһәр Думасына сайлауларда тавыш бирде

8 сентябрь 2019, 11:49

Россия лидеры журналистларга белдергәнчә, кандидатларның саны түгел, ә аларның эш сыйфаты мөһим.

(Казан, 8 сентябрь, «Татар-информ»). РФ Президенты Владимир Путин иртән Мәскәү шәһәр Думасына сайлауларда тавыш бирү өчен Россия Фәннәр академиясе бинасында оештырылган участокка килде. Бу хакта «Российская газета» яза.

Россия лидеры журналистларга белдергәнчә, кандидатларның саны түгел, ә аларның эш сыйфаты мөһим. Чит илләрдә йөзләгән кандидат та була, диде ул.

«Сан түгел, ә сыйфат мөһим», - дип ачыклык кертте Владимир Путин.

Президент әлеге сайлауларда лаеклы кандидатлар тәкъдим ителүенә ышаныч белдерде.

Гадәттәгечә, дәүләт башлыгы кем өчен тавыш бирүен әйтмәде. Ул кандидатны шәхсән белмәвен, әмма аның «яхшы, намуслы кеше булуына» өметләнүен искәртте.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10