ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Сәясәт

Бүген Россиядә 8 сентябрьдәге сайлаулар алдыннан тынлык көне

7 сентябрь 2019, 09:49

Тыю һәр конкрет төбәктә сайлау участоклары ябылганга кадәр гамәлдә.

(Казан, 7 сентябрь, “Татар-информ”). Сайлау алды агитациясе тыелган тынлык көне Россиядә бердәм тавыш бирү көне алдыннан башланды. 8 сентябрьдә Россиянең барлык төбәкләрендә дә төрле дәрәҗәдәге сайлаулар узачак. Бу хакта ТАСС хәбәр итә.

Тынлык көне сайлаулар узган һәр төбәктә, 7 сентябрьдә шимбә көнне төн уртасында башлана. Тавыш бирү көне башланырга бер тәүлек кала теләсә нинди агитация, партия акцияләре һәм митинглар үткәрү, листовкалар тарату, телевидениедә һәм радиода сәяси реклама тыела.

Элеккеге урында элегрәк эленгән агитация материаллары гына кала ала, тик алар тавыш бирү өчен булган биналардан 50 метрдан да якын булмаска тиеш. Интернет-басмалар шулай ук элек басылып чыккан сәяси рекламаларны да бетерергә тиеш түгел.

Тынлык көне артыннан турыдан-туры тавыш бирү көне киләчәк. Ул көн дәвамында шулай ук агитация алып барырга ярамый. Тыю һәр конкрет төбәктә сайлау участоклары ябылганчы гамәлдә булачак.

Закон сайлауларга әзерлекне һәм тавыш бирү көнен яктырту мөмкинлекләрендә массакүләм матбугат чараларын чикләми. "Шимбә көнне дә, якшәмбе көнне дә сайлаулар узу турындагы мәгълүмат ирекле режимда объективлык һәм дөреслек принципларында, ягъни тавыш бирү барышы, сайлауларны оештыру белән бәйле башка мәсьәләләргә кагылырга мөмкин. Шулай ук сайлауларда катнашырга чакыру агитация булып тормый", - диде ТАСС секретаре Майя Гришина
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10