ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Дин

Мәскәү Җәмигъ мәчете мәдрәсәсе җитәкчесенә Дуслык ордены тапшырдылар

6 сентябрь 2019, 21:50

«Конфессияара тынычлыкны һәм татулыкны ныгытуга өлеш керткән өчен» Җәгъфәр Фәйзрахманов дәүләт бүләгенә лаек булды.

(Казан, 6 сентябрь, «Татар-информ»). Мәскәү Җәмигъ мәчете мәдрәсәсе директоры Җәгъфәр хаҗи Фәйзрахмановны Дуслык ордены белән бүләкләделәр. Бу хакта Россия Мөфтиләр шурасы хәбәр итә.

"Мәскәү Җәмигъ мәчете мәдрәсәсе директоры Җәгъфәр Ярулла улына туган көнендә югары дәүләт бүләге - Дуслык ордены тапшырылды. Җәгъфәр хаҗи Фәйзрахмановны мәдрәсә хезмәткәрләре коллективы җылы котлады", диелә хәбәрдә.

Мәскәү мэры Сергей Собянинның бүләкләү указында «Конфессияара тынычлыкны һәм татулыкны ныгытуга өлеш керткән өчен» дип язылган.

Җәгъфәр хаҗи Фәйзрахмановны Россия Мөфтиләр шурасы рәисе, мөфти шәйх Равил Гайнетдин котлаган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10