ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

"Татар-информ" агентлыгы "Медиалогия" рейтингында беренче урынга чыкты

6 сентябрь 2019, 17:12

Былтыр "Татар-информ" Татарстанның иң күп искә алына торган массакүләм-матбугат чарасы дип танылган иде.

(Казан, 6 сентябрь, «Татар-информ»). «Татар-информ» мәгълүмат агентлыгы 2019 елның II кварталында Татарстан массакүләм-матбугат чаралары медиарейтингында лидер булды. Бу хакта рейтингны төзегән «Медиалогия» компаниясе хәбәр итә.

Агентлыкның искә алу индексы 326,20. Рейтингта Business-gazeta.ru һәм Realnoevremya.ru интернет-ресурслары икенче һәм өченче урыннарны алды.

«Татар-информ» соңгы елларда традицион рәвештә республика медиарейтингының югары баскычларында тора. 2018 ел нәтиҗәләре буенча мәгълүмат агентлыгы Татарстанның иң күп искә алына торган массакүләм-матбугат чарасы дип танылды.

«Рейтинг «Медиалогия» системасының массакүләм-мәгълүмат чаралары базасы нигезендә төзелгән. Анда иң дәрәҗәле 52 меңнән артык чыганак: ТВ, радио, газеталар, журналлар, мәгълүмат агентлыклары, интернет мәгълүмат чаралары керә. Рейтинг төзегәндә яңалык агрегаторлары исәпкә алынмады», - дип хәбәр итте «Медиалогия» компаниясе.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10