ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Путин дөньядагы иң матур урынны атады

6 сентябрь 2019, 16:28

Россия Президенты Камчаткадан да матуррак бернәрсә дә күргәнем булмады, дип белдерде.

(Казан, 6 сентябрь, «Татар-информ»). Россия Президенты Владимир Путин Камчатканы дөньяда иң матур урын дип атады. Бу хакта РИА Новости хәбәр итә.

Көнчыгыш икътисади форум кысаларында дәүләт башлыгы Ерак Көнчыгышны үстерү мәсьәләләре буенча җәмәгатьчелек вәкилләре белән очрашты.

Камчатканың «Вулканариум» мәдәни-агарту үзәгенә нигез салучы, вулканолог һәм педагог Сергей Самойленко аңа оешманың эше турында сөйләде һәм музейга ярдәм итүләрен сорады.

«Камчатка, әлбәттә, безнең бриллиант ул. Мин Камчатка белән чагыштырганда, дөньяда аннан да матуррак бернәрсә дә күргәнем юк», - диде Путин. Ул вулканнар музеен булдыру идеясен хуплады һәм аңа Рус география җәмгыяте линиясе буенча ярдәм күрсәтергә вәгъдә бирде.

«Без сезнең учреждениегезне, сезнең музейны онытмаячакбыз, Рус география җәмгыяте линиясе буенча ярдәм итү мөмкинлеге бар. Ә системалы рәвештә, кабатлап әйтәм, Хөкүмәт тиешле юнәлешләр һәм проектлар исемлеген әзерли», - дип йомгаклады Россия Президенты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10