ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Зимбабвеның элеккеге Президенты Роберт Мугабе вафат булган

6 сентябрь 2019, 10:26

Роберт Мугабены Зимбабвега нигез салучы, «азатлык символы» дип атыйлар.

(Казан, 6 сентябрь, «Татар-информ»). Сингапур хастаханәләренең берсендә 1980-2017 елларда Зимбабве хакимиятен җитәкләгән Роберт Мугабе 95 яшендә вафат булган. Бу хакта «Интерфакс» агентлыгы илнең гамәлдәге Президенты Эммерсон Мнангагвага сылтама белән хәбәр итә.

Ул Роберт Мугабены Зимбабвега нигез салучы, «азатлык символы» дип атаган.

«Мугабе тормышын үз халкын азат итү һәм көчәйтүгә багышлады», - дигән Эммерсон Мнангагва.

Мугабе соңгы вакытта бик каты авырган, дип сөйләгән элеккеге Президентның туганнары ВВС агентлыгына.

Роберт Мугабе 2019 елның апреленнән бирле Сингапур хастаханәсендә яткан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10