ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Спорт

“Ак Барс” 2019-2020 еллар сезонының беренче җиңүен яулады

5 сентябрь 2019, 21:26 , Фото: Ильнар Тухбатов/архив

“Ак Барс” 2019-2020 еллар сезонының беренче җиңүен яулады “Ак Барс”ның яңа уенчылары, команда өчен беренче алкаларын кертеп, җиңүгә ирештеләр.

(Казан, 5 сентябрь, “Татар-информ”, Гөлия Хәсбиуллина). Бүген Хельсинки шәһәрендә Казанның “Ак Барс” хоккей командасы “Йокерит”ка каршы уенда сезонның беренче җиңүен яулады. “Йокерит” – “Ак Барс” матчы исәбе – 2:5.

Беренче период. Уналтынчы минутта “Ак Барс” һөҗүмчесе Станислав Галиев исәпне ачып җибәрде (0:1). Бер минут үтүгә Түбән Кама егете Эмиль Галимов Континенталь хоккей лигасында “Ак Барс” өчен үзенең беренче голы белән командасын тагын бер алкага алга чыгарды (0:2).

Икенче период. Период башлануга егерме секунд узу белән Канада һөҗүмчесе Патрис Кормье да “Ак Барс” өчен беренче алкасын кертте (0:3). Дүртенче минутта фин командасы уенчысы Антти Пильстрём күпчелектә уйнаганда “Йокерит” өчен гол кертә алды (1:3). Унөченче минутта Кирилл Петров “Йокерит” капкасына “Ак Барс”ның дүртенче алкасын кертте (1:4).

Өченче период та “Ак Барс”лылар тарафыннан кертелгән алка белән башланып китте, өченче минутта Джастин Азеведо гол кертте (1:5). Период ахырында гына, унбишенче минутта, фин командасының капкачысы алмашынды, Анти Ниеми урынына Янис Калниньш чыкты. Унҗиденче минутта Теему Эронен “Йокерит” өчен гол кертте (2:5).

Командалар составы:

“Йокерит”
Ниеми (Калниньш)
Хаапала – Контиола – Енсен, Лехтонен – Лепистё;
Йоэнсуу – Норман – Мозес, Эронен – Грант;
Иконен – Регин – Анттила, Кивистё – Лауридсен;
Пильстрём – Мюттюнен – Халме (Хирвонен), Рясянен,

“Ак Барс”:
Рейдеборн (Биләлов);
Азеведо – Кормье – Фрэттин, Ожиганов – Викстранд;
Галиев – Ткачёв – Зарипов, Фазылҗанов – Юдин;
Фисенко – Основин – Лукоянов, Хенкель – Журавлёв;
Петров – А. Галимов – Э. Галимов (Михеев), Педан.

Киләсе уенны “Ак Барс” 7 сентябрь Сочида үткәрәчәк. “Сочи” – “Ак Барс” уены 17:00 сәгатьтә башлана.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10