ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Россиядә сәламәтлек саклау буенча мәктәп дәреслеге эшләнде

5 сентябрь 2019, 21:11

Дәреслектә сәламәт яшәү рәвешенә, беренче ярдәм күрсәтү алымнарына һәм башка өлкәләргә багышланган бүлекләр булачак.

(Казан, 5 сентябрь, «Татар-информ»). Россия Сәламәтлек саклау министрлыгы сәламәтлекне саклау буенча дәреслек эшләгән. Бу хакта «Российская газета» яза.

Россия Сәламәтлек саклау министры Вероника Скворцова хәбәр иткәнчә, дәреслектә сәламәт яшәү рәвешенә, беренче ярдәм күрсәтү алымнарына, үз сәламәтлегеңне мониторинглау һәм башка аспектларга багышланган бүлекләр булачак.

«Демография» милли проектына кертелгән «Иҗтимагый сәламәтлекне ныгыту» федераль проекты кысаларында ведомство төрле мәктәп дисциплиналарына үзгәрешләр кертә, дип әйтелгән. Вероника Скворцова сәламәтлек темасы буенча мәгълүмат блоклары тормыш иминлеге нигезләре, табигать белеме, биология һәм башка фәннәр дәреслекләренә кертелергә тиеш дип саный.

«Без үз алдыбызга 2020 елның сентябрендә ук әлеге программа буенча укулар башлау бурычын куйдык. Без моны Мәгариф һәм фән министрлыгы белән сөйләштек, алар да моңа әзер», — диде министр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10