ҺАВА ТОРЫШЫ +9 oC

Яңалыклар

барлык хәбәрләр Татарстан Россия
×

Җәмгыять

Балалар һәм йөкле хатын-кызлар өчен гриппка каршы аерым вакцина кулланыла

5 сентябрь 2019, 16:23 , Фото: Владимир Васильев

Балалар һәм йөкле хатын-кызлар өчен гриппка каршы аерым вакцина кулланыла План буенча барлыгы 594 мең балага прививка ясату ниятләнә.

(Казан, 5 сентябрь, “Татар-информ”, Гөлнар Гарифуллина). Балалар һәм йөкле хатыннар өчен гриппка каршы вакцинаның аерыым төре кулланыла. “Анда консервантлар юк, һәм ул җиңелрәк кичерелә”, - диде ТР сәламәтлек саклау министры урынбасары Альмир Абашев матбугат конференциясендә.

Аның сүзләренчә, вакцина белән тәэминатка контракт төзелгән. Медицина учреждениеләренә бүген олылар өчен 600 мең вакцина кайтарылган.

“Безнең план буенча 594 мең балага прививка ясау ниятләнә. 13 мең йөкле хатын-кызга прививка ясату планлаштырыла. Балалар һәм йөкле хатыннар өчен аерым төр вакцина кулланыла. Бүген хастаханә-сырхауханәләрдә шушы вакцина бар. Теләге булган һәркем табибка мөрәҗәгать итеп, прививка ясата ала”, - диде Абашев.

Аның сүзләренчә, йөкле хатын-кыз грипп белән авырый башласа, карын эчендәге баласы да авырый.

Медицина хезмәткәрләре прививка ясаганчы, башта аны ясарга ярыймы-юкмы икәненә, кешенең сәламәт булуына инана, дип искәртте ул. Вакцина компонентларына аллергия реакциясе булса, вакцинация үткәрелмәячәген, вакцина составында йомырка аксымы барлыгын әйтте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10