ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

"Татарстанның чиста урманнары" табигать саклау акциясенең көзге этабы башлана

5 сентябрь 2019, 16:37 , Фото: Михаил Захаров

Бу көннәрдә урманнарны каты коммуналь калдыклардан, ауган агачлардан чистарталар.

(Казан, 5 сентябрь, "Татар-информ"). 16 сентябрьдә республикада "Татарстанның чиста урманнары" табигать саклау акциясенең көзге этабы башлана. Акция 16 ноябрьгә кадәр барачак. Аның кысаларында урман фонды территориясен каты коммуналь калдыклардан, ауган агачлардан һ.б. чистарту планлаштырыла. Бу турыда Татарстан Урман хуҗалыгы министрлыгы матбугат хезмәте хәбәр итте.

"Татарстанның чиста урманнары" республика табигать саклау акциясе ТР Урман хуҗалыгы министрлыгы тарафыннан 2010 елдан бирле үткәрелә. Аның төп максаты – урманнарда имин санитар-экологик шартлар булдыру.

Акция республиканың барлык муниципаль районнарында да уза. Ел саен акциядә Министрлыклар, ведомстволар, учреждениеләр, оешмалар, предприятиеләр хезмәткәрләре, урман кишәрлекләрен арендалаучылар, бакчачылык ширкәтләре, кооперативлар, экологик берләшмәләр вәкилләре, югары һәм урта махсус уку йортлары студентлары һәм волонтерлар катнаша.

Быел акциянең язгы этабына 9,7 меңнән артык кеше кушылды. Алар көче белән урман фондыннан 3,3 мең кбм күләмендә каты көнкүреш калдыгы һәм ауган агачлар җыеп чыгарылды. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10