ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять, Хәвеф-хәтәр

Уфада педагог, музыка белгече Галиябану Әхмәдиева вафат булган

5 сентябрь 2019, 12:14

Галиябану Әхмәдиева - музыка тарихы буенча күпсанлы мәкаләләр һәм очерклар, Башкорт һәм Урал энциклопедияләрендә дөнья күргән фәнни мәкаләләр авторы.

(Казан, 5 сентябрь, «Татар-информ»). Озакка сузылган авырудан соң, Уфада педагог, музыка белгече, Заһир Исмәгыйлев исемендәге Уфа дәүләт сәнгать институты доценты, Башкортстанның атказанган сәнгать эшлеклесе, Россия һәм Башкортстанның Композиторлар берлеге әгъзасы Галиябану Әхмәдиева вафат булган. Бу хакта «Башинформ» агентлыгы хәбәр итә.

Галиябану Ниязмөхәммәт кызы Әхмәдиева 1948 елда Оренбургта туган. 1974 елда - Уфа дәүләт сәнгать институтын (доцент Е.Л.Танкелевич классы), 1984 елда Гнесиннар исемендәге Дәүләт музыкаль-педагогика институты аспирантурасын (фәнни җитәкчесе – М.Э.Риттих) тәмамлаган. 1977 елдан - Уфа дәүләт сәнгать институтының музыка тарихы кафедрасында, 1989 елдан этномузыкология кафедрасында эшләгән.

Музыка тарихы буенча күпсанлы мәкаләләр һәм очерклар язган, шул исәптән берничә уку әсбабының автордашы булган. Башкорт һәм Урал энциклопедияләрендә (1996-2007) дөнья күргән фәнни мәкаләләр авторы.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10