ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Икътисад

Татарстан делегациясе Владивостокта V Көнчыгыш икътисади форумында катнаша

5 сентябрь 2019, 09:32 , Фото: архив/Салават Камалетдинов

Татарстан делегациясе Владивостокта V Көнчыгыш икътисади форумында катнаша Форумда Татарстанны ТР Инвестицион үсеш агентлыгы башлыгы һәм республика икътисад министры тәкъдим итә.

(Казан, 5 сентябрь, «Татар-информ»). Татарстан делегациясе Владивостокта узучы V Көнчыгыш икътисади форумында катнаша. Форумда республиканы ТР Инвестицион үсеш агентлыгы башлыгы Талия Миңнуллина һәм ТР икътисад министры Фәрит Габделганиев тәкъдим итә. Бу хакта ТР Инвестицион үсеш агентлыгының матбугат хезмәтеннән хәбәр иттеләр.

«Форумның эшлекле программасы кысаларында Татарстан делегациясе Азия-Тын океан төбәгенең яшь дипломатлары белән очрашачак, территорияләр брендингы буенча инвестицион сессияләрдә, хатын-кыз лидерлыгы, бизнесны үстерү һәм медиа ярдәмендә халыкара эшлекле хезмәттәшлеккә багышланган сессияләрдә катнашачак», - дип белдерделәр ТР Инвестицион үсеш агентлыгында.

Форумның икенче көнендә Татарстан делегатлары Еврей автономияле өлкәсе губернаторы Александр Левинталь белән очрашыр, Татарстан Хөкүмәте һәм Еврей автономияле өлкәсе Хөкүмәте арасында хезмәттәшлек турындагы килешүне имзалар дип көтелә.

Моннан тыш, «Ак Барс» судно төзү корпорациясе» АҖ белән Диңгез һәм елга транспорты федераль агентлыгы, шулай ук Татарстан корпорациясе белән «Инвестицияләр җәлеп итү һәм экспортка ярдәм күрсәтү буенча Ерак Көнчыгыш агентлыгы» коммерцияле булмаган автоном оешмасы арасында хезмәттәшлек турындагы килешүләргә кул куелачак.

Татарстан делегатлары шулай ук «Марубени» корпорациясенең (Япония) башкаручы директоры Эйджи Окада, «Йокогава электрик корпорейшн» компаниясе директорлар советы рәисе Такаши Нишиджима һәм «Хитоси Нара» корпорациясе директоры белән очрашыр дип көтелә.

Моннан тыш, республика делегациясе V Көнчыгыш икътисади форумының пленар утырышында катнаша. Утырышта Россия Федерациясе Президенты Владимир Путин, Һиндстан Премьер-министры Нарендра Моди, Монголия Президенты Халтмаагийна Баттулги, Малайзия Премьер-министры Махатхира Мохамада һәм Япония Премьер-министры Синдзо Абэ чыгыш ясаячак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10