ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Татар матбугаты

Көнбагыш аппендицит китереп чыгарамы? - "Шәһри Казан"

5 сентябрь 2019, 07:23

Көнбагыш ашасаң, сукыр эчәгесе шартлый икән дип ишеткәнем бар, бу чынлап та шулаймы? Айзилә Сафиуллина, Кама Тамагы.

(Казан, 5 сентябрь, "Татар-информ", "Шәһри Казан"). Медицина фәннәре докторы, профессор Андрей Кригер, сукыр эчәк шешүенә китереп чыгара торган сәбәп­ләр төгәл генә билгеләнмәгән, әмма көнбагыш ашау моңа тәэсир итми, дип саный. «РИА Новости»га биргән әңгәмәсендә Кригер, күзәтүләр күрсәткәнчә, авыру гадәттә эшкә сәләтле кешеләрдә ачыклана, еш кына хатын-кызларда гинекология авыруларын аппендицит белән бутыйлар, дип белдергән.

Бу авыруны антибиотиклар белән генә дәвалап булмый, операция кирәк. Аппендицитның билгеләре – эч авырту, косасы килү, соңрак авырту эчнең уң як аскы өлешенә күчәргә мөмкин. Бу вакытта үз белдеклегең белән дәваланырга һич кенә дә ярамый, табибка күренергә кирәк, дип киңәш итә профессор.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10