ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Авыл

Тукай районында гектарыннан чыккан уртача уңыш – 39,6 центнер

5 сентябрь 2019, 03:00

Районда көзге чәчү дә тәмамланып килә.
(Казан, 5 сентябрь, "Татар-информ", "Якты юл"). Тукай районы Авыл хуҗалыгы һәм азык-төлек идарәсе мәгълүматлары буенча, бүгенге көнгә 27,5 мең гектар мәйданнан тулаем 109,3 мең тонна ашлык җыеп алынган. Бу планның 64 процентын тәшкил итә. Гектарыннан чыккан уртача уңыш – 39,6 центнер. Бу хакта район басмасы яза. 
 
Аграрийлар, нигездә, язгы культуралар суктыру, шикәр чөгендере уңышын җыю белән мәшгуль. Бүген 406 гектар җирдән 181,9 мең тонна тамыразык казылган. Аерым хуҗалыкларда аш чөгендере, бәрәңге алу эшләре бара. Көзге чәчү кампаниясе тәмамлану алдында. 
 
Пландагы 11,9 мең гектар җирнең 8,2 мең гектарына көзге культуралар чәчелгән. Шулай ук туңга сөрү эшләре дәвам итә. Бүгенгә эшкәртәсе җирнең 25 проценты сөрелгән.
 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10