ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Илшат Гафуров полилингваль мәктәпләрнең концепциясен төгәл аңлау кирәк дип саный

4 сентябрь 2019, 14:38 , Фото: Султан Исхаков

Илшат Гафуров полилингваль мәктәпләрнең концепциясен төгәл аңлау кирәк дип саный Ректор КФУда 890 татар телле белгеч әзерләнүен әйтте.

(Казан, 4 сентябрь, “Татар-информ”, Рәмис Латыйпов). Казан федераль университеты ректоры Илшат Гафуров КФУда өч телдә белем бирә алырлык укытучылар әзерләнүен әйтте. Ул беренче нәүбәттә полилингваль мәктәпнең асылын төгәл аңларга кирәк дип саный. Бу фикерен ул "Татар-информ"да узган матбугат конференциясендә җиткерде. 

Ректор, полилингваль мәктәпләрнең концепциясе әле билгеле булмаса да, КФУның өч телдә эшли алырлык белгечләр әзерләвен билгеләп үтте. “Әлегә без, үз фикеребездән чыгып, өч телдә яхшы сөйләшкән белгечләрне әзерләү максатын куябыз. Хәзерге вакытта университетта 890 кеше татар телендә белем ала. Аларның күбесе татар теле белгечлеген үзләштерә”, - диде ректор.

Ректор татар телендә белем бирүнең технологиясе турында да сөйләде. “Мәсәлән, физиканы фән буларак алар рус телендә укый. Ә укыту методикасын татар телендә укыйлар”, - диде ул. 

"Безнең максат - белгечләр әзерләү, ә эш бирүчеләрнең максаты - аларга заказ формалаштыру. Әгәр татар телле гаммәви мәгълүмат чаралары татар телле кадрларга ихтыяҗ кичерә икән, без аларның заказын кабул итәргә әзер", - диде Гафуров. 

КФУда Татарстанның Дәүләт Киңәшчесе Минтимер Шәймиев карары нигезендә икенче ел рәттән полилингваль белем бирү өчен өч телле белгечләр әзерләү программасы гамәлдә. ТР Мәгариф министрлыгы тарафыннан сайлап алынган 140 кеше  Филология һәм мәдәният ара багланышлар институтында бюджет нигезендә белем алачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10