ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Россия табиблары яман шеш авыруларын дәвалаганда балыклар тәҗрибәсен куллана

4 сентябрь 2019, 16:34

Россия сәламәтлек саклау министры океанда яши торган кайбер хайваннарның генетикасында ук яман шеш белән авыру ихтималы юклыгын аңлатты.

(Казан, 4 сентябрь, “Татар-информ”). Россия Сәламәтлек саклау министрлыгы океанологлар һәм Фәннәр академиясе белән бергә яман шеш авыруларын дәвалауның яңа алымнарын эшли. Алар тирән су балыгының рак белән авырмау үзлеген файдалана. Бу хакта “Интерфакс” хәбәр итә.

Россия сәламәтлек саклау министры Вероника Скворцова Көнчыгыш икътисади форумында НТВга биргән интервьюсында тирән су балыкларының яман шеш белән авырмауларын әйтте. Ул океанда яши торган кайбер хайваннарның генетикасында ук яман шеш белән авыру ихтималы юклыгын аңлатты. 

“Океанда өр-яңа антибиотик төрләре бар. Алар традицион антибиотикларга алмаш булып тора. Мөмкинлекләр гаять зур”, - диде Скворцова. Шулай ук Тын океанның “төрле җан ияләре, тирән су балыклары” бирә торган биоактив матдәләр белән тулы булуын да әйтте.

Моннан тыш, министр сүзләренчә, төш медицинасы үзәкләре Ерак Көнчыгыш округында, шул исәптән Рус утравында һәм Хабаровск краенда булдырылачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10