ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Хәвеф-хәтәр

Казанда янгын аркасында биш катлы йортта яшәүчеләрне эвакуацияләгәннәр

4 сентябрь 2019, 11:04 , Фото: соцсети

Казанда янгын аркасында биш катлы йортта яшәүчеләрне эвакуацияләгәннәр Янгын Химиклар урамындагы бер йортта чыккан.

(Казан, 4 сентябрь, “Татар-информ”). Казандагы биш катлы йортта яшәүчеләрне бер фатирда чыккан янгын аркасында эвакуацияләгәннәр. Бу хакта Татарстан Гадәттән тыш хәлләр министрлыгының матбугат хезмәтендә хәбәр иттеләр.

“Узган төндә Химиклар урамында янгын чыкты. Дүртенче каттагы бер бүлмәле фатирда әйберләр янган, ут керү ишеген дә камап алган була”, - дип сөйләделәр министрлыкта.

Янгында 60 яшьлек хатын-кыз төтен белән җиңелчә генә агуланган. Аңа хастаханәдә дәвалану таләп ителмәгән.

Коткару битлекләре ярдәмендә янгын сүндерүчеләр баскычлар буенча подъездда яшәүче биш кешене эвакуацияләгән.

Беренче мәгълүматлар буенча, янгын ут белән саксыз эш итү аркасында чыккан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10