ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Авыл

Балтач районы мәктәпләрендә махсуслаштырылган аграр сыйныфлар ачтылар

4 сентябрь 2019, 08:46

Профильле сыйныфларда физика, математика, биология, табигать белеме фәннәре, ландшафт дизайны, авыл хуҗалыгын заманча технологияләрне өйрәнәчәкләр.

(Казан, 4 сентябрь, "Татар-информ"). 2 сентябрьдә Татарстанның Балтач районы мәктәпләрендә махсуслаштырылган аграр сыйныфлар ачтылар, алар Казан дәүләт аграр университеты карамагында булачак. Бу хакта ТР Авыл хуҗалыгы һәм азык-төлек министрлыгы матбугат хезмәте хәбәр итә.

Профильле сыйныфлар 9 мәктәптә ачылды, болар: Борбаш мәктәбендә, Баки Зыятдинов ис. Карадуган гимназиясендә, Кече Лызи, Нәнәгәр, Норма, Пыжмара мәктәпләрендә, Салавыч күппрофильле лицееында, О.Н. Исаев ис. Урта Кәшкәт мәктәбендә һәм Чепья мәктәбендә.

"Университет сыйныфларын оештыру һәм ачу – республика территориясендә безнең пилот проекты. Бу агрономия, авыл хуҗалыгы машиналарын эксплуатацияләү, икътисад һәм бакчачылык өлкәсендә алдан һөнәри юнәлеш сайлауга ярдәм итәчәк, дип ышанып калабыз", - дип сөйләде Казан аграр университетының Югары уку йортына әзерләү һәм аны укып чыгучыларны урнаштыру үзәге җитәкчесе Гүзәл Фәссахова.

Профильле сыйныфларның программасында физика, математика, биология, табигать белеме фәннәрен, ландшафт дизайнын, технологик процессларны автоматлаштыруны, шулай ук авыл хуҗалыгына заманча технологияләр кертүне тирәнтен өйрәнү каралган.

Уку кысаларында каникул вакытларында кышкы күчмә мәктәпләр оештыру планлаштырыла, аларда балалар агрономия, бакчачылык, экология, авыл хуҗалыгы машиналарын эксплуатацияләү һәм башкалар буенча лекцияләр тыңлый алалар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10