ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Татарстан башкаласы Россиянең иң имин шәһәрләре исемлегенә керде

3 сентябрь 2019, 20:51 , Фото: архив/Владимир Васильев

Татарстан башкаласы Россиянең иң имин шәһәрләре исемлегенә керде
 Миллион кеше яши торган шәһәрләр арасында Казан икенче урынны алды.

(Казан, 3 сентябрь, «Татар-информ»). Миллион халкы булган имин шәһәрләр рейтингында Казан икенче урынны алды. Тикшеренүләрне Domofond.ru күчемсез милек эзләү буенча сайт аналитиклары үткәрде.

Иң имин шәһәр дип Краснодар танылды, ул 7,2 балл җыйды. Шул ук вакытта республика башкаласы 7,1 балл җыйды.

Рейтинг лидерының күрсәткечләре узган ел белән чагыштырганда түбәнәйгән. Казанныкы исә 0,3 процентка арткан. Мәскәү һәм Красноярск бер үк төрле балл җыйган (җидешәр), бишлекне Санкт-Петербург (6,8) йомгаклый.

Сораштырулар барышында респондентларга ун баллы шкала буенча «Мин имин районда яшим һәм тәүлекнең караңгы вакытында өйгә кайтырга курыкмыйм» дигән фикерне бәяләргә кирәк иде. Ил буенча уртача алганда, респондентлар куркынычсызлык дәрәҗәсен 6,8 баллга бәяләгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10