ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Нурлат шәһәре 110 еллык юбилеен бәйрәм итә

3 сентябрь 2019, 20:01 , Фото: nurlat-tat.ru

Нурлат шәһәре 110 еллык юбилеен бәйрәм итә
 Бәйрәмне ачу тантанасында шәһәрнең алдынгы кешеләренә Нурлат районы башлыгының Мактау грамоталарын тапшырдылар.

(Казан, 3 сентябрь, «Татар-информ»). Нурлат шәһәренең 110 еллык юбилеен билгеләп үттеләр. Тантаналы чаралар ипподром территориясендә күпсанлы кунаклар катнашында узды. Бу хакта «Дуслык» газетасы яза.

Шәһәр халкын һәм кунакларны Нурлат районы һәм шәһәре башлыгы Алмаз Әхмәтшин өч телдә сәламләгән. "Тарих өчен 110 ел бары тик бер мизгел генә, әмма шәһәр һәм шәһәр халкы өчен бу - Татарстан Республикасының башка муниципаль берәмлекләре арасында лаеклы урын алырга мөмкинлек биргән аякка басу, үсеш вакыты", - ди ул.

«Нурлат - ул безнең уртак йортыбыз. Биредә һәр кеше яхшы белем, һөнәр алу, гаилә кору, балалар үстерү өчен бөтен шартлар тудырылырга тиеш», – диде Алмаз Әхмәтшин.

Татарстан җитәкчелеге исеменнән нурлатлыларны Татарстан Премьер-министры урынбасары Васил Шәйхразиев котлады, шәһәр һәм район халкының республика үсешенә зур өлеш кертүен һәм татарстанлыларның тормыш сыйфатын яхшыртуын әйтте.

Бәйрәмдә шәһәрнең алдынгы кешеләренә Нурлат районы башлыгының Мактау грамоталарын тапшырдылар.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10