ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Владимир Путин ашыгыч ярдәм хезмәткәрләрен торак белән тәэмин итәргә кушты

3 сентябрь 2019, 20:18

Алар ташламалы шартларда ипотека кредитлары ала алачак.

(Казан, 3 сентябрь, «Татар-информ»). Россия Президенты Владимир Путин төбәк хакимиятләренә сәламәтлек саклауның беренчел звеносы хезмәткәрләрен һәм ашыгыч ярдәм хезмәткәрләрен хезмәт тораклары белән тәэмин итүне йөкләде. Тиешле йөкләмә Кремль сайтында басылып чыкты. Бу хакта РИА Новости хәбәр итә.

Торакны үзенә алу өчен медицина хезмәткәре 10 ел дәвамында бердән дә ким булмаган ставкага эшләргә тиеш, диелә бу хәбәрдә.

Шулай ук, Путин ихтыяҗы булган медицина хезмәткәрләренә торак төзелеше өчен җир кишәрлекләрен өстенлекле тәртиптә бирергә кушты. Моннан тыш, алар ташламалы шартларда ипотека кредитлары ала алачак. Ул беренче чиратта медицина хезмәткәрләре балаларына балалар бакчаларында һәм мәктәпләрдә урыннар бирүне йөкләде.

Йөкләмәнең үтәлеше турында 1 декабрьгә кадәр, аннары ярты елга бер тапкыр хәбәр итү бурычы куелган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10