ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Соңгы ун елда Татарстанда һава торышының җылылык чоры кимегән

3 сентябрь 2019, 16:48

“2010 елдан башлап Татарстанда яз соңрак, ә көз иртәрәк килә башлады”, - ди галим Юрий Переведенцев.

(Казан, 3 сентябрь, "Татар-информ", Зилә Мөбәрәкшина). Уртача еллык температураның югарыга таба күтәрелүенә карамастан, соңгы ун елда Татарстанда җылылык чоры кимегән. Бу хакта КФУның метеорология, климатология һәм атмосфера экологиясе кафедрасы мөдире Юрий Переведенцев “Татар-информ” мәгълүмат агентлыгында узган матбугат конференциясендә сөйләде.

“Уртача еллык температураның югарыга таба күтәрелүенә карамастан, соңгы ун елда Татарстанда җылылык чоры кимеде. Республика метеостанцияләре биргән мәгълүматлар галимнәрне җитди уйланырга мәҗбүр итә”, - диде профессор.

Аның сүзләренә караганда, соңгы елларда Идел буенда һәм Татарстанда уртача еллык температура күтәрелгән, һава торышы күпкә җылырак булган. “Шул ук вакытта, яңа мәгълүматларга караганда, республикада җәйге җылылык чоры кими”, - диде ул.

“2010 елдан башлап Татарстанда яз соңрак, ә көз иртәрәк килә башлады. Җылы чорның озынлыгы да кимеде. Әлеге мәгълүматлар Татарстанның барлык метеостанцияләре күрсәткечләре буенча алынган”, - диде Юрий Переведенцев.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10