ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Спорт

Кукмараның "Степан Разин" командасы "Мөхәммәтшин Кубогы" турнирында җиңү яулады

3 сентябрь 2019, 23:00 , Фото: kukmor-rt.ru/news/kөn-temasyi/kukmarany-stepan-razin-komandasy-mkhmmtshin-kubogyna-uzgan-futbol-turnirynda-i-yaulady

Кукмараның Егетләргә күчмә кубок тапшырылган.
(Казан, 3 сентябрь, "Татар-информ", "Хезмәт даны", Алсу Гатауллина). Кукмараның Ринат Мөхәммәтшин исемендәге стадионында "Мөхәммәтшин Кубогы"на футбол буенча турнир узды. Анда "Степан Разин" командасына тиңнәр булмады. Район басмасы шул хакта хәбәр итә. 
 
Чарада район башлыгы Сергей Димитриев, Ринат Мөхәммәтшинның улы Рөстәм Мөхәммәтшин, аның якыннары, Теләче районы башлыгы Илдус Зарипов, "Рубин" футбол клубының башкарма директоры Константин Дзюба һәм башкалар катнашты.
 
"Менә алтынчы ел рәттән август аенда "Мөхәммәтшин Кубогы"на турнир уза. Ел саен ул истә калырлык һәм мавыктыргыч үтә. Чара Татарстанның спорт тормышында мөһим вакыйгага әйләнде. Бу исә әтием Ринат Мөхәммәтшин салган идея алга таба үсә дигәнне аңлата. Уенчыларга уңышлар, иминлек телим", - диде Рөстәм Ринат улы.
 
Өченче урын өчен "Яшьлек" (Шәмәрдән) һәм "Саба тәрәзәләре" (Саба) көрәште. Финалда "Степан Разин" (Кукмара) һәм "Комаровка" (Теләче) командалары очрашты.
 
Быелгы уеннарның җиңүчесе "Степан Разин" (Кукмара) командасы булды. Егетләргә Күчмә Кубок тапшырылды. Икенче урында - "Комаровка", өченче урында "Яшьлек" командасы.
 
Турнирның иң яхшы капкачысы - Илнур Тимербаев "Комаровка" командасы. Иң яхшы саклаучы - Раил Вәлиев ("Саба тәрәзәләре"). Иң яхшы ярымсаклаучы - Рөстәм Маннанов ("Яшьлек" командасы). Иң яхшы һөҗүмче - Илназ Габдрәхимов ("Степан Разин" командасы).
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10