ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Дин

Равил Гайнетдин мәрхүмә Валерия Порохованың туганнарының кайгысын уртаклашты

3 сентябрь 2019, 11:11

Җеназа намазын 4 сентябрьдә Мәскәүдә укыячаклар.

(Казан, 3 сентябрь, «Татар-информ»). Россия Мөфтиләр Шурасы һәм Россия Федерациясе мөселманнары Диния нәзарәте рәисе, мөфти шәех Равил Гайнетдин мәрхүмә Валерия-Иман Порохованың туганнарының кайгысын уртаклашты. Бу хакта Россия Мөфтиләр Шурасының рәсми сайты хәбәр итә.

Профессиональ тәрҗемәче-синхронист һәм мөселман җәмәгать эшлеклесе Валерия-Иман Порохова 79 яшендә вафат булды.

«Россия Мөфтиләр Шурасы, Россия Федерациясе мөселманнары Диния нәзарәте һәм шәхсән үз исемемнән зур кайгыгыз белән уртаклашам. Валерия-Иман Порохова гади тәрҗемәче-синхронист кына түгел, ә Россиянең яңа тарихында Изге Коръәнне тәрҗемә иткән бердәнбер белгеч иде. Валерия-Иман Михайловна күп еллар дәвамында актив мөселман җәмәгать эшлеклесе булды», - диелә кайгы уртаклашу текстында.

«Аның хәләл җефете Мөхәммәд Әл-Рөшд, гаиләсе һәм якыннарының тирән кайгысын уртаклашам, Валерия-Иман Михайловнаның туганнары һәм якыннарына түземлек телим», - ди мөфти.

Җеназа намазын 4 сентябрьдә Мәскәүдә укыячаклар.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10