ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Дин

“Хозур” нәшрият йорты басмалары Мәскәүдә ярминкәдә тәкъдим ителәчәк

3 сентябрь 2019, 10:24

Татарстан мөселманнары Диния нәзарәтенең «Хозур» нәшрият йорты – Россиядә иң зур мөселман медиахолдингларының берсе.

(Казан, 3 сентябрь, "Татар-информ"). 4 сентябрьдә Мәскәүдә 32нче Мәскәү халыкара китап ярминкәсе башлана. Биредә Татарстанның мөселман дини әдәбият базарын “Хозур” нәшрият йорты тәкъдим итәчәк. Бу турыда Татарстан Диния нәзарәте матбугат хезмәте хәбәр итте.

Ул Россиядә, Көнчыгыш Европада һәм Үзәк Азиядә иң эре борынгы ярминкәләрдән санала. 75нче күргәзмә павильоны 5 көн дәвамында илнең китап тормышы үзәгенә әйләнәчәк, анда килүчеләр Россия һәм чит илләрнең әйдәп баручы нәшриятлары һәм язучылары белән очраша алачак, алар арасында ТР мөселманнары Диния нәзарәтенең «Хозур» нәшрият йорты да бар.

«Хозур» нәшрият йорты стендында Татарстан мөфтияте тарафыннан татар, рус һәм гарәп телләрендә бастырылган 100дән артык китап – уку һәм агарту әдәбияты, мәдрәсәләр, югары уку йортлары, имамнар өчен укыту һәм методик әсбаплар, киң катлам укучылар өчен исламның хакыйкый традицияләрен һәм гореф-гадәтләрен аңлатучы фәнни-популяр китаплар тәкъдим итү планлаштырыла, диелә хәбәрдә.

ТР мөселманнары Диния нәзарәтенең «Хозур» нәшрият йорты – Россиядә иң зур мөселман медиахолдингларының берсе. Эшләү дәверендә нәшриятта 500 мең данәдән артык тираж белән татар, рус һәм гарәп телләрендә 200 исемдәге китап дөнья күрде.

Басмаларның төп өлеше (гомуми санның яртысына якыны) классик мөселман һәм татар дини-илаһият мирасына караган хезмәтләрдән гыйбарәт. Алар арасында Әбу Хәнифә, Матуриди, Тәхави, әл Газнави, Ш.Мәрҗани, Р.Фәхретдин, К.Насыйри, Ә.Максуди, Г.Карабаш һ.б. авторларның хезмәтләре бар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10