ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Коръәнне рус теленә тәрҗемә иткән Валерия Порохова вафат

2 сентябрь 2019, 20:04 , Фото: facebook Али Вячеслава Полосина

Коръәнне рус теленә тәрҗемә иткән Валерия Порохова вафат Валерия Порохова тәрҗемә иткән Коръән басмасы унике тапкыр нәшер ителгән.

(Казан, 2 сентябрь, "Татар-информ"). Коръәнне рус теленә тәрҗемә иткән Иман Валерия Порохова бүген вафат булган. Бу турыда мөселман җәмәгать эшлеклесе Али Вячеслав Полосин Facebook челтәрендә хәбәр итте.

"Бездән Иман Валерия Порохова китте. Ул рус морзалары нәселеннән, әти-әнисе репрессияләнгән, ул ссылкада туган. Гади булмаган тормыш юлы аны исламга алып килгән. Ул Коръәнне тәрҗемә итеп кенә калмаган, ул Коръәннең матурлыгын, Исламның гүзәллеген күрсәткән, бу дингә салынган һәм җәмгыять оныта язган мәрхәмәтлелек һәм гуманлылык нормаларын күрсәткән", - дип язган Полосин.

Иман Валерия Порохованы чәршәмбе көнне җирлиләр.

  • Валерия Порохова 1940 елның 14 маенда Ухта шәһәрендә туган. Һөнәри тәрҗемәче-синхронист, мөселман җәмәгать эшлеклесе. Коръәнне рус теленә тәрҗемә иткән галим буларак билгеле. Ул 12 тапкыр нәшер ителгән. 
  • Валерия Порохова Гуманитар фәннәр академиясе әгъзасы, Евразия Халыкара мәдәният академиясе әгъзасы, Россия Табигый фәннәр академиясе әгъзасы, Евразия милли университеты профессоры.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10