ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Казанда сайлау участокларын биналарның беренче катына күчерделәр

2 сентябрь 2019, 16:02 , Фото: Михаил Захаров/архив

Казанда сайлау участокларын биналарның беренче катына күчерделәр
 Физик мөмкинлекләре чикләнгән кешеләргә уңайлы булсын өчен, Казанда икенче каттан югарырак урнашкан сайлау участоклары калмады.

(Казан, 2 сентябрь, «Татар-информ», Әдилә Зыятдинова). 8 сентябрьдә узачак сайлауларга әзерлек кысаларында физик мөмкинлекләре чикләнгән кешеләргә уңайлы булсын өчен, Казанда сайлау участокларын биналарның беренче катларына күчерделәр. Бу хакта Казан мэриясендә узган эшлекле дүшәмбе вакытында Башкарма комитет аппараты җитәкчесе Евгений Варакин сөйләде.

«8 сентябрьдә узачак сайлауларга әзерлек кысаларында физик мөмкинлекләре чикләнгән сайлаучылар белән аерым эш алып барыла. Сайлау участоклары биналарның түбән катларына күчерелде. Шулай итеп, хәзерге вакытта Казанда икенче каттан югарырак урнашкан сайлау участоклары калмады», — дип хәбәр итте Евгений Варакин.

Традиция буенча, Казанда тавыш биргән сайлаучылар участокларда җир өсте җәмәгать транспортында бушлай йөрү хокукы бирә торган махсус беләзекләр алачак. Моннан тыш, сайлау участокларында күчмә сәүдә һәм мәдәни программа оештырыла. Тавыш бирү көне республика шәһәрләрендә зур бәйрәм концертлары белән тәмамланачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10