ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Зәйдә сигезенче күпфункцияле үзәк ачылды

2 сентябрь 2019, 00:00

Зәйдә сигезенче күпфункцияле үзәк ачылды Бина 50 урынлык зал, директор, түгәрәкләр бүлмәләрен, китапханәне үз эченә алган.

(Зәй, 2 ентябрь, "Татар-информ", "Зәй офыклары", Рәзимә Кашапова). Бу көннәрдә Зәйнең Бура-Киртә авылында әлеге сигезенче күпфункцияле үзәк файдалануга тапшырылды. Шулай итеп, Югары Пәнәче җирлегендә икенче шундый заманча мәдәни учак булачак. Бу турыда район басмасы хәбәр итә.

Биредә клуб авыл уртасындагы агач бинада иде, ул аннан авыл башындагы мәктәп бинасына күчеп, халыкка мәдәни хезмәт күрсәтте. Тик ул авылның икенче очында булып, халык клубның ераклыгыннан зарланып яшәде. Күпфункцияле үзәк исә авыл эчендәге һәйкәл янәшәсендә сафка басты.

Язын төзелә башлаган үзәкнең диварлары тиз генә күтәрелеп, аның түбәсе ябылды. Аның диварлары исә төрле төстәге төзелеш материалларыннан бизәкләп эшләнде. Бина 50 урынлык зал, директор, түгәрәкләр бүлмәләрен, китапханәне үз эченә алган. Биредә инвалидлар өчен уңайлыклар тудырылган.

Заманча мәдәни учакны "Форвард"  җаваплылыгы чикләнгән ширкәте төзеде. Мәдәни учакның тирә-юнен төзекләндерү исә җирле бюджет хисабына башкарылды. Шулай итеп, буракиртәлеләр матур һәм заманча, бөтен уңайлыклары булган мәһабәт үзәкле булды.

Яңа мәдәни учак югары дәрәҗәдә чаралар уздыру өчен күп мөмкинлекләргә юл ача. Беренчедән, авыл халкы заманча яңа бинага тартыла, икенчедән, чараларда катнашучылар саны, активлар арта, яңа түгәрәкләр, кызыксыну клублары эшчәнлеген җәелдерә. Биредә шулай ук татар эстрадасы, театр артистларын кабул итәргә дә мөмкинлекләр тудырыла дигән сүз.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10