ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Фән һәм мәгариф

Казанда Идел буенда беренче Кембридж халыкара мәктәбе ачылды

1 сентябрь 2019, 13:20 , Фото: Владимир Васильев

Казанда Идел буенда беренче Кембридж халыкара мәктәбе ачылды
 Яңа мәктәпне тәмамлаучылар Россия аттестаты һәм Кембридж сертификаты алачак, алар татар, рус, инглиз, испан яки кытай телләрен өйрәнәчәк.

(Казан, 1 сентябрь, «Татар-информ», Надежда Гордеева). Бүген Казанда, Белем көнендә, Идел буенда беренче - «Бала-Сити» Кембридж халыкара мәктәбе ачылды. Анда башлангыч, урта һәм өлкән звено балалары белем алачак.

Быелгы уку елыннан яңа мәктәптә 220 укучы белем ала. Аны тәмамлаганнан соң, чыгарылыш сыйныф укучыларына белем бирү турында ике документ – Россия Дәүләт аттестаты һәм Кембридж сертификаты бирәләр.

Кембриджның «Бала-Сити» халыкара мәктәбендә Россиядән 50 укытучы һәм Англиядән, АКШтан, Испаниядән, Германиядән һәм Франциядән 15 укытучы белем бирә.

«Бала-Сити» укучылары берничә тел – татар, рус, инглиз, испан яки кытай (дүртенче тел – сайлау буенча) өйрәнәчәк. Моннан тыш, теләк буенча телне камил белүче укытучылар белән немец һәм француз теле дәресләре оештырылырга мөмкин.

«Бала-Сити» балаларны чит телләрдә тәрбияләп кенә калмый, татар телендә дә чаралар үткәрә. Танылган язучыларны һәм мәдәният эшлеклеләрен балалар белән очрашуларга чакыра, җәйге милли сменаны оештыра. Моннан тыш, мәктәп укучылары фәнни-техник эшчәнлек белән шөгыльләнә, программалаштыру, робототехника, табигый фәннәрне өйрәнә.

«Бала-Сити «КФУның төп кафедрасы булып тора һәм «Татарстан өчен яңа укытучы» шәхси проектын тормышка ашыру буенча хезмәттәшлек итә. Мәктәп Кембридж университетыннан, Испания Мәгариф министрлыгыннан һәм Пекин университетыннан методик яктан һәм белем бирүдә ярдәм ала.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10