ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Чүпрәле районында өч яңа объект ачтылар

31 август 2019, 20:00 , Фото: chuprale-online.ru/

Чүпрәле районында өч яңа объект ачтылар
Барлык төзелешләр дә илкүләм проектны тормышка ашыру ярдәмендә мөмкин булды.

(Казан, 31 август, “Татар-информ”,). Республика һәм район көненә Чүпрәледә Түбән Чәке авылында күп функцияле үзәк, Кече Аксу авылында фельдшер-акушерлык пункты һәм Алешкин-Саплык авылында авыл җирлегенең административ бинасы ачылды. Бу турыда "Родной край" район басмасы хәбәр итә.

Барлык социаль-әһәмиятле объектлар да республика программасы һәм "Мәдәният", "Сәламәтлек" илкүләм проекты кысаларында төзелгән. Яңа биналарны ачу тантаналары «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин, Чүпрәле муниципаль районы башлыгы Марат Гафаров катнашында узды.

Тантаналы өлеш тәмамланганнан соң, кунаклар яңа биналар белән танышты, подрядчы оешмаларның башкарган эшләренә югары бәя биреп, авылда уңай үзгәрешләр өчен нәтиҗәле эш теләделәр.

Түбән Чәке авылында күп функцияле үзәге объекты төзелеше 2019 елның мартында башланган, 200 кеше сыйдырышлы бинаның гомуми мәйданы 410,8 кв. м. тәшкил итә.

Алешкин-Саплык авылында Башкарма комитет бинасын төзү эше 2019 елның мартында ук башланды. Шул вакыт эчендә гомуми мәйданы 91,3 кв .м. булган объектны төзеп бетерделәр.

Бу бәйрәм көнендә Әгъзам Гобәйдуллин Кече Аксу авылы фельдшерына истәлекле бүләк тапшырды. Кунаклар ФАП бүлмәләренең эчке ягын һәм җиһазларын карады, медицина ярдәмен күрсәтү шартларының уңайлылыгын бәяләде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10