ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Казанда эшче биеклектән егылып имгәнгән

31 август 2019, 15:38

Бу факт буенча тикшерү башлаганнар.

(Казан, 31 август, «Татар-информ»). Казанда 26 яшьлек эшче бетон болгату җайланмасыннан егылып, җитди имгәнгән. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

«29 августта иртән Казанның Каучук урамында СП ЖБИ-2» ҖЧҖ территориясендә 26 яшьлек эшче зыян күргән. Тикшерү мәгълүматлары буенча, ир-ат цемент бушату белән шөгыльләнгән. Бетон болгату җайланмасына менгән һәм 3 метр биеклектән бетон мәйданчыкка егылган», – дип сөйләде Андрей Шептицкий.

Ир-атны авыр хәлдә Республика клиник хастаханәсенә китергәннәр.

Бу факт буенча тикшерү башлаганнар. «Хезмәтне саклау таләпләрен бозу» маддәсе буенча җинаять эше кузгатылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10