ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Миңнехановка һәм Комаровка Казандагы яңартылган ишегалларын күрсәттеләр

30 август 2019, 15:10 , Фото: Егор Никитин

Миңнехановка һәм Комаровка Казандагы яңартылган ишегалларын күрсәттеләр ТР Президенты һәм РФ Президентының Идел буендагы вәкаләтле вәкиле Игорь Комаров Татарстан Республикасы көненә багышланган чараларда катнашты.

(Казан, 30 август, “Татар-информ”, Егор Никитин). Татарстан Президенты Рөстәм Миңнеханов һәм Россия Президентының Идел буе федераль округындагы вәкаләтле вәкиле Игорь Комаров Казанның Мәскәү районындагы яңартылган ишегалларының берсен карады.

Кунакларга мини-экскурсия оештырдылар. Гагарин урамындагы яңартылган ишегалдының тарихын сөйләделәр, Республика һәм Шәһәр көненә багышланган концерт күрсәттеләр. Яңарту Казанда ишегалларын, кварталлар эчендәге һәм бистә юлларын төзекләндерү программасы кысаларында башкарылган.

Мәйданчыкларны караганнан соң, мәртәбәле кунаклар яшәүчеләргә мөрәҗәгать итте. Россия Президентының Идел буендагы вәкаләтле вәкиле Игорь Комаров Татарстанга килгән саен республикадагы уңай үзгәрешләрне күрүен, тормыш сыйфаты үсүен, хезмәт шартлары яхшыруын әйтте.

“Татарстан Республикасы һәм Казан шәһәре югары тизлектә үсә. Бу үзгәрешләрне шәһәрдә яшәүчеләр дә һәм аерым бер ишегалды халкы да күрә. Болар барысы да Рөстәм Нургалиевич, республика Хөкүмәте һәм “Бердәм Россия” партиясе тарафыннан игътибар булуын раслый. Бу уңай үзгәрешләр Казан һәм Татарстан халкы иминлеге өчен киләчәктә дә дәвам итәр дип ышанам”, - диде Игорь Комаров.

Татарстан Президенты сүзләренчә, ишегалларын төзекләндерү киләчәктә дә дәвам итәчәк. Өч елда республикадагы барлык күпфатирлы йортларның ишегаллары төзекләндереләчәк һәм тәртипкә китереләчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10