ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Рәсми Татарстан

Бүген Рөстәм Миңнеханов табибларга «Мобиль сырхауханәләр» тапшырачак

29 август 2019, 09:34 , Фото: Рамиль Гали/архив

Бүген Рөстәм Миңнеханов табибларга «Мобиль сырхауханәләр» тапшырачак ТР Президенты Казан Кремлендә Татарстан Республикасы көне уңаеннан Россия һәм Татарстанның дәүләт бүләкләрен тапшырачак.

(Казан, 29 август, «Татар-информ»). Бүген Татарстан Президенты Рөстәм Миңнеханов ТР Сәламәтлек саклау министрлыгы бүлекчәләренә яңа автотехника тапшыру тантанасында катнашачак. Табибларга авыл районнарында яшәүчеләрне профилактик тикшерү өчен билгеләнгән «Мобиль сырхауханәләр» һәм башка кирәк-яраклар тапшырачаклар. Бу хакта «Татар-информ» агентлыгына ТР Президентының матбугат хезмәтеннән хәбәр иттеләр.

«Татарстан Президенты Рөстәм Миңнехановның сәламәтлек саклау һәм социаль яклау учреждениеләренә автомобильләр тапшыру тантанасында катнашуы көтелә», - дип искәрттеләр матбугат хезмәтендә.

Казан Кремленең рәсми вәкиле Лилия Галимова искәрткәнчә, республика Президенты авыл халкын диспансерлаштыру мәсьәләсен шәхси контрольдә тота. «Татарстан Президенты ТР Хөкүмәте йортындагы атналык һәр киңәшмәдә диярлек «Мобиль сырхауханәләр» турындагы мәсьәләне күтәреп чыкты, ел ахырына кадәр Татарстан авылларында яшәүчеләрне диспансерлаштыруны төгәлләү өчен, районнарда эшли башларга кирәклеге хакында әйтте», - дип искәртте Лилия Галимова.

Автотехника тапшырганнан соң, Рөстәм Миңнеханов яңа объектларда төзелеш эшләренең барышы белән танышу өчен Казан зооботаника бакчасына барырга ниятли. Шуннан соң ТР Президенты Казан үзәгендәге тарихи мирас объектлары белән танышачак.

Көннең икенче яртысында Рөстәм Миңнеханов Казан Кремлендә Татарстан Республикасы көне уңаеннан Россия һәм Татарстанның дәүләт бүләкләрен тапшыру тантанасында катнашачак. Моннан тыш, ТР Президенты муниципаль берәмлекләр арасындагы Республика смотр-бәйгесендә җиңүчеләргә автомобильләр тапшырыр дип көтелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10