ҺАВА ТОРЫШЫ +11 oC

Яңалыклар

барлык хәбәрләр Татарстан Россия
×

Җәмгыять

Республика көнен бәйрәм иткәндә салкынча, коры һава торышы көтелә

28 август 2019, 14:54 , Фото: Солтан Исхаков

Республика көнен бәйрәм иткәндә салкынча, коры һава торышы көтелә Синоптиклар 1 сентябрьдән Татарстанда көннәр җылыта башлый, дип хәбәр итә.

(Казан, 28 август, «Татар-информ», Наталья Рыбакова). 30 август – Татарстан Республикасы көнен бәйрәм иткәндә һава торышы җиләс, шулай да коры булачак, яңгырлар яумаячак. КФУның метеорология, климатология һәм атмосфера экологиясе кафедрасы мөдире Юрий Переведенцев хәбәр иткәнчә, бу атна азагына кадәр республикада көннәр салкынча торачак.

“Безнең территория хәзерге вакытта антициклонның көнчыгыш өлешенә туры килә, атна азагына кадәр һава торышы салкын, җилле булачак", - диде профессор.

30 август Татарстанда бәйрәм ялы буларак билгеләп үтелә. Бу көнне Казанда һәм республика шәһәр-районнарында төрле мәдәни чаралар узачак.

Синоптиклар фарасынча, 30 августта Казанда көндез 15 градуска кадәр җылытачак. Төнлә 6 градус кына булачак.

Шулай да сентябрь башында һава бераз җылыначак, дип вәгъдә итәләр. “1 сентябрьдән җылыта башларга тиеш, дүшәмбе-сишәмбегә көндез 20 градус җылытачак”, - диде Юрий Переведенцев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10