ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Фән һәм мәгариф

Укытучыларның профессиональ этикасы кагыйдәләре расланачак

28 август 2019, 13:31

Этика кагыйдәләрен төзүгә соңгы елларда укытучылар социаль челтәрләрдә урнаштырган язмалар һәм фотоларга кагылышлы бәхәсле очракларның ешаюы этәргән.

(Казан, 28 август, "Татар-информ"). Россия Мәгариф министрлыгы, Гомумроссия мәгариф хезмәткәрләре һөнәри берлеге белән берлектә, укытучының профессиональ этикасы кагыйдәләре нигезләмәсен төзегән. Әлеге документ барлык төбәкләргә дә җибәрелә, дип хәбәр итә ТАСС. Һәр төбәк үз кагыйдәләрен расларга тиеш булачак.

“Педагоглар, дәүләт һәм җәмгыять алдында җаваплылык тоеп, беренче чиратта интернетта һәм балалар күрә алган башка урыннарда укучыларның сәламәтлегенә һәм рухи үсешенә зыян китерердәй мәгълүматлар урнаштырырга тиеш түгел”, - дип язылган министрлык нигезләмәсендә.

Мөгаллимнәргә укытучының, мәгариф оешмасының абруена тап төшерердәй хәлләрдә катнашмаска, вәзгыять гаделлек таләп иткән очракларда аны махсус комиссия яки суд органнары аша тикшертергә киңәш ителә.

Укытучыларның профессиональ этикасы кагыйдәләрен төзүгә соңгы елларда алар социаль челтәрләрдә урнаштырган язмалар һәм фотоларга кагылышлы бәхәсле очракларның ешаюы этәргән.

 
 
 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10