ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Россия җыелмасы WorldSkills чемпионатында 22 медаль белән икенче урынны яулады

28 август 2019, 00:38

Эшче һөнәрләр буенча дөнья чемпионатының нәтиҗәләре билгеле: беренче урында - Кытай, өченче урында - Көньяк Корея.

(Казан, 27 август, "Татар-информ", Гөлнар Гарифуллина). Россия җыелмасы Казанда узган WorldSkills дөнья чемпионатында гомуми зачетта 22 медаль белән икенче урынга чыккан.

Россия вәкилләре барлыгы 14 алтын, 4 көмеш, 4 бронза медаль һәм профессионализм өчен 25 медальон яулаган. Россиянең медальләр тупланмасында татарстанлыларның өлеше дә бар.

Айдар Минеев "Прототиплар җитештерү" компетенциясендә алтын медаль алды. Казан илкүләм тикшеренү техник университеты студентлары Оскар Арсланов һәм Эмиль Мифтахов "Мобиль робототехника" компетенциясендә бронза медальгә лаек. "Мәгълүмати кабель челтәрләре" компетенциясендә Ислам Нигъмәтуллинга көмеш медаль тапшырылды.

Гомуми зачетта беренче урынны Кытай җыелмасы яулады, өченче урынга Көньяк Корея вәкилләре чыкты.

Россия командасын бу уңышы белән Россия Президенты Владимир Путин котлаган. "Бу бик әйбәт нәтиҗә, мондый дәрәҗәдәге алдагы ярышлар белән чагыштырганда, барлык компетенцияләр буенча диярлек алга китеш сизелә. Без сезнең белән горурланабыз", - дигән Илбашы.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10