ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Татарстан юлында ике кешенең гомере өзелгән һәлакәт видеосы чыкты

27 август 2019, 20:43 , Фото: Очевидцы

Татарстан юлында ике кешенең гомере өзелгән һәлакәт видеосы чыкты Фаҗигале юл-транспорт һәлакәте бүген иртән Чистай янында булган.

(Казан, 27 август, «Татар-информ»). Татарстан юлында ике кешенең гомере өзелгән һәлакәт видеосы чыкты. Бу турыда социаль челтәрләрдә хәбәр ителә.

Видеода юл кырыена төшеп киткән автомобильнең януы күренә. Бераз читтәрәк тагын бер җимерелгән җиңел машина тора. Һәлакәт шаһитлары юл кырыена туктый һәм зыян күрүчеләргә ярдәм итәргә тырыша.

«Татар-информ» агентлыгы бүген 4.00 сәгатьтә Чистай янында Казан – Оренбург юлында ике «Лада» бәрелешүе турында хәбәр иткән иде. Юл-транспорт һәлакәте аркасында ике йөртүче дә һәлак булган. Җиңел машиналардагы ике пассажирны күпсанлы имгәнүләр белән хастаханәгә озатканнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10