ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять, Спорт

Республика көнендә Казанда Татарстан Президенты Кубогына ат чабышлары узачак

27 август 2019, 18:45 , Фото: Рамиль Гали/архив

Республика көнендә Казанда Татарстан Президенты Кубогына ат чабышлары узачак ТР Президенты Кубогына һәм Казан мэриясе призына узышлар һәм ат чабышлары 13.30 сәгатьтән 19.00 сәгатькә кадәр дәвам итәчәк.

(Казан, 27 август, «Татар-информ», Наталья Рыбакова). 30 августта, Республика көнендә, Татарстан башкаласының «Казан» халыкара ат спорты комплексы территориясендә ТР Президенты Кубогына һәм Казан мэриясе бүләгенә традицион чабышлар оештырылачак. Бу хакта «Татар-информ» мәгълүмат агентлыгында узган матбугат конференциясендә шәһәр Башкарма комитетының мәдәният идарәсе җитәкчесе Азат Абзалов хәбәр итте.

«Быел 16 чабыш уздыру планлаштырыла, шул исәптән Татарстан Президенты Кубогына һәм Казан мэриясе призына. Шулай ук гарәп чабышкылары да ярышачак. Программа концерт номерлары белән үрелеп барачак, призлар уйнатылачак», – дип билгеләп үтте ул.

Ат спорты бәйрәме 13.30 сәгатьтә башлана. Ат чабышлары арасында оештырылган концерт программасында Татарстан артистлары катнашачак. Биредә бәйрәм чаралары 19.00 сәгатьтә тәмамланачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10