ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять, Мәдәният

Татарстанның иҗат коллективларына кулдан эшләнгән 10 тальян бүләк ителәчәк

27 август 2019, 18:07 , Фото: Султан Исхаков

Татарстанның иҗат коллективларына кулдан эшләнгән 10 тальян бүләк ителәчәк ТР Президенты ярдәме белән ансамбльләр, талантлы башкаручылар һәм Татарстанның балалар сәнгать мәктәпләре тальян гармуннары алачак.

(Казан, 27 август, «Татар-информ», Наталья Рыбакова). 30 августта — Республика көнендә «Уйнагыз, гармуннар» фестивалендә тальян традицион татар халык уен кораллары Татарстан яшьләр иҗат коллективларына бүләк ителәчәк. Бу хакта бүген «Татар-информ» мәгълүмат агентлыгында узган матбугат конференциясендә Татарстан мәдәният министры урынбасары Ленар Хәкимҗанов хәбәр итте.

«Уйнагыз, гармуннар» фестивалендә катнашучылар Кремльдән Бауман урамы буйлап узачак. Муса Җәлил һәйкәле янында концерт булачак. Чара 11.00 сәгатькә планлаштырылган. 15.00 сәгатьтә Г.Камал исемендәге театрда фестивальнең гала-концерты үтәчәк. Чараның яшь катнашучыларына татар традицияләре буенча эшләнгән ун коралдан торган партия тапшырылачак», - диде спикер.

Ленар Хәкимҗанов быел ТР Президенты тарафыннан Татарстан Мәдәният министрлыгының ансамбльләргә, талантлы башкаручыларга һәм балалар сәнгать мәктәпләренә традицион татар инструменты — тальян гармуннарын бүлеп бирү инициативасын хуплануы турында сөйләде.

«Бу Казанда эшләнә торган кулдан ясалган тальянкалар булачак. Без уен коралларының беренче партиясен татар җырлары белән кызыксынучы яшьләргә тапшырачакбыз. Бу традицион татар мәдәниятен популярлаштыру өчен эшләнә», - диде Ленар Хәкимҗанов.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10