ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Татарстан һәм Новгородка хезмәттәшлек итәргә тәкъдим итте

27 август 2019, 17:19 , Фото: tatarstan.ru

Рөстәм Миңнеханов Татарстан һәм Новгородка хезмәттәшлек итәргә тәкъдим итте Татарстан Президенты Новгород өлкәсе губернаторы белән очрашты.

(Казан, 27 август, «Татар-информ»). Татарстан Президенты Рөстәм Миңнеханов «Казан Экспо» мәйданчыгында Новгород өлкәсе губернаторы Андрей Никитин белән очрашты. Бу турыда Татарстан Президенты матбугат хезмәте хәбәр итә.

Андрей Никитин Татарстан башкаласына WorldSkills стандартлары буенча һөнәри осталык буенча 45нче дөнья чемпионатының ябылу тантанасында катнашу өчен килде.

Төбәкләр башлыклары Татарстан һәм Новгород өлкәсе хезмәттәшлеге мәсьәләләре турында фикер алышты. Рөстәм Миңнеханов сүзләренчә, төбәкара товар әйләнеше 1,2 млрд сум күләме төбәк киңлекләренә һәм икътисадына туры килми.

Үзара хезмәттәшлекне көчәйтергә һәм товар әйләнешен арттырырга кирәк дип саный Татарстан Республикасы Президенты. Аерым алганда, инновацияләрне гамәлгә кертү өлешендә хезмәттәшлек итәргә кирәк.

Моннан тыш, Рөстәм Миңнеханов Стратегик инициативалар агентлыгы линиясе буенча хезмәттәшлекнең мөһимлеген билгеләп үтте. Бу мәйданчык хәзер төбәкләр өчен җитди кызыксыну уята.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10