ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

WorldSkills ябылу сәбәпле, «Казан Арена» янында транспорт хәрәкәте чикләнәчәк

27 август 2019, 16:36

Чикләүләр ашыгыч һәм оператив хезмәтләрнең транспорт чараларына кагылмый.

(Казан, 27 август, «Татар-информ»). Бүген, 27 августта, «Казан Арена» стадионы янындагы территориядә WorldSkills Kazan 2019 һөнәри осталык буенча 45нче дөнья чемпионатын ябу тантанасын уздыру сәбәпле, транспорт хәрәкәте чикләнәчәк.

Чикләүләр тантана башланганчы ике сәгать алдан гамәлгә керәчәк һәм ул тәмамланганнан соң ике сәгатьтән соң туктатылачак. Шул ук вакытта алар ашыгыч һәм оператив хезмәтләрнең транспорт чараларына, шулай ук «спорт һәм социаль проектлар дирекциясе» билгеләгән формалар буенча махсус рөхсәтләре булган автомобильләргә кагылмаячак.

Аерым алганда, 27 августта 16 сәгатьтән алып 28 августның төненә кадәр Сибгат Хәким урамы буенча Әмирхан проспектыннан Чистай урамына кадәрге участокта, Чистай урамы буенча ике юнәлештә Сибгат Хәким урамыннан Академик Арбузов урамы юнәлешендә Ямашев проспектына, Гаврилов урамы ягыннан Чистай урамындагы 75нче йортка кадәр хәрәкәт чикләнә. Чистай урамындагы 79 һәм 85а номерлы йортлар тирәсендә квартал эчендә йөрүләргә дә чикләүләр кагыла.

Моннан тыш, Өченче транспорт дамбасының күпере ике юнәлештә - Ямашев проспектыннан әйләнеп уза торган күпергә Ямашев проспектына кадәр булган участокта, «Казан Арена» стадионы янындагы әйләнгеч юл һәм ике якка да өченче транспорт дамбасы астында ике якка да борылма юл ябылачак.

Россия Эчке эшләр министрлыгының Казан буенча ЮХИДИ таләбе буенча Адоратский урамы буенча Четаев урамыннан Чистай урамына таба юнәлештә транспорт хәрәкәте чикләнәчәк. Моннан тыш, Адоратский урамыннан хәрәкәт иткәндә Адоратский һәм Ямашев проспекты урамнары арасындагы участокта хәрәкәт итү чикләнәчәк. Шулай ук Нигъмәтуллин һәм Козин урамнарыннан Сибгат Хәким урамына чыгу юллары да ябылачак.

Шул ук вакытта Чистай урамы буйлап җирле юлга чыгу урыннарында Ямашев проспектыннан Адоратский урамына кадәрге участокта каршылыклы блоклар урнаштырылачак.

Нигъмәтуллин урамы буенча Сибгат Хәким һәм Чистай урамнары арасындагы участокта вакытлыча ике яклы хәрәкәт оештырыла. Нигъмәтуллин урамыннан Чистай урамына һәм Чистай урамыннан Нигъмәтуллин урамы ягыннан хәрәкәт иткәндә Адоратский урамына сул як борылыш рөхсәт ителәчәк – каршылыклы киртәләрне сүтәләр.

«Татар-информ» мәгълүмат агентлыгы хәбәр иткәнчә, WorldSkills ябылу тантанасы аркасында Казанда җәмәгать транспорты эше вакытын озайтачаклар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10