ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Түбән Камада “яшел” конкурс җиңүчеләре бер тоннадан артык макулатура тапшырган

27 август 2019, 00:00

Конкурста катнашучыларны бүләкләү 30 август көнне 13:00 сәгатьтә Габдулла Тукай исемендәге уку һәм ял паркында узачак.

(Казан, 27 август, "Татар-информ"). Түбән Камада тотылган кәгазь тапшыру буенча экологик конкурс узды. Ай ярым дәвам иткән акциядә төрле оешмалар, белем бирү учреждениеләре коллективлары катнашты. Тукай исемендәге үзәк китапханә хезмәткәрләре 1 140 кг макулатура тапшырган. Бу турыда Түбән Кама муниципаль районы рәсми сайтында хәбәр ителә.

Шулай итеп, Тукай исемендәге үзәк китапханә хезмәткәрләре беренче урынны алган, икенче урында - 2нче гимназия, өченчедә - 32нче гимназия.

Авыл китапханәләре арасында конкурста Трудовой (240 кг) һәм Камский (74,5 кг) бистәләре катнашты.

Конкурста катнашучыларны бүләкләү 30 август көнне 13:00 сәгатьтә Габдулла Тукай исемендәге уку һәм ял паркында узачак.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10