ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Спорт

Әлмәт командасы Халыкара футбол турнирында җиңде

26 август 2019, 22:00 , Фото: almetyevsk.tatar.ru

Әлмәт командасы Халыкара футбол турнирында җиңде Пенальти вакытында әлмәтлеләр көндәшләр капкасына өч гол кертте һәм җиңүче булды.

(Әлмәт, 26 август, "Татар-информ", "Әлмәт таңнары"). Чуашстан республикасының Шөмерлә шәһәрендә В.А.Кутырев истәлегенә V Ачык футбол турниры узды.Әлмәтнең "Алнас" спорт мәктәбендә тәрбияләнүче балалар командасы арасында футбол буенча Халыкара ачык турнирда җиңде, дип хәбәр итә мәктәпнең матбугат хезмәте.

Сайлап алу уеннары нәтиҗәләре буенча әлмәтлеләр Заречный командасы белән тигез исәпкә уйнады һәм Йошкар-Ола һәм Түбән Новгородтан килгән көндәшләрен узып, ярышларның ярымфиналына чыкты.

Ярымфиналда Энгельс футболчыларын отып, әлмәтлеләр хуҗалар командасы белән очрашты. Матчның төп вакыты 1:1 исәбе белән тәмамланды. Ләкин пенальти вакытында әлмәтлеләр көндәшләр капкасына өч гол кертте һәм җиңүче булды.

"Безнең мәктәп командасы турнирда икенче тапкыр катнаша. Узган ел егетләр бишенче урынны алды. Без ел дәвамында ныклап әзерләндек, шуңа күрә быел спортчыларыбыз көчле көндәшләрен җиңеп чыкты", - диде Әлмәтнең футбол буенча спорт мәктәбе директоры Аркадий Данилов.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10