ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Россия WorldSkills Juniors һәм Future Skills бәйгеләрендә 58 алтын медаль яулады

26 август 2019, 20:59 , Фото: Владимир Васильев

Россия WorldSkills Juniors һәм Future Skills бәйгеләрендә 58 алтын медаль яулады Россия Федерациясе командасы 22 көмеш һәм 12 бронза медаленә лаек дип табылды.

(Казан, 26 август, “Татар-информ”, Динә Йосыпова). WorldSkills халыкара чемпионат кысаларында узган WorldSkills Juniors һәм Future Skills бәйгеләрендә Россия Федерациясеннән конкурсантлар 58 алтын медаль яулады. Җиңүчеләрне бүләкләү тантанасы бүген “Казан Экспо” халыкара күргәзмәләр үзәгендә Илһам Шакиров исемендәге концертлар залында үтте.

Россия Федерациясе командасында шулай ук 22 көмеш һәм 12 бронза медаль булды.

WorldSkills KAZAN 2019 чемпионаты бәйгеләрендә барлыгы 66 илдән 1600 конкурсант 56 компетенциядә көч сынашты. 

Татарстаннан Тимерлан Рәхмәтуллин «Мобиль кушымталар эшләү» компетенциясендә, Никита Барышев "Сәнәгать дизайны" компетенциясендә, Виктория Малецкова "Цифрлашкан модельер" компетенциясендә, Илария Баһаветдинова "Ресторан сервисы", Ренат Әхмәтшәрипов "Композитлар технологияләре" компетенциясендә алтын медаль яулады. 

Иртәгә “Казан Арена” стадионында чемпионатның йомгаклау тантанасы үтәчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10