ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Хәвеф-хәтәр

Казанда шәхси балалар бакчасында янгын чыккан

26 август 2019, 19:50 , Фото: ГУ МЧС России по РТ

Казанда шәхси балалар бакчасында янгын чыккан
 Бәхеткә, беркем дә зыян күрмәгән.

(Казан, 26 август, «Татар-информ»). Казанның Константиновка бистәсендәге «Балалар җире» шәхси балалар бакчасы түбәсенә ут капкан. Янгыннан ике тәрбияче һәм 14 бала үзләре чыгып котыла алган. Бу хакта «Татар-информ» агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

«Бүген 16.49 сәгатьтә бердәм ашыгыч ярдәм хезмәтен чакыру 112номерына Константиновка бистәсеннән хәбәр килде. Анда Привольная урамында «Балалар җире» шәхси балалар бакчасының түбәсе януы турында әйтелде», - диделәр Татарстан Гадәттән тыш хәлләр министрлыгында.

Янгын сүндерүчеләр килеп җиткән вакытта ике тәрбияче һәм 14 бала үзләре бакча бинасыннан чыгып киткән булган.

Янгын сүндерүчеләр 15 минутта янгынны сүндергән. Һәлакәттә беркем дә зыян күрмәгән.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10