ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният

“Уйнагыз, гармуннар” фестивален Worldskills чемпионаты кунаклары да күрә алачак

26 август 2019, 14:35

Чаралар чемпионатның туристик маршрутына кертелгән.

(Казан, 26 август, "Татар-информ", Зилә Мөбәрәкшина). Быел “Уйнагыз, гармуннар” һәм “Түгәрәк уен” фестивальләрен Worldskills чемпионатына килгән чит ил кунаклары да күрә алачак. Бу хакта “Татар-информ” хәбәрчесенә Бөтендөнья татар конгрессы рәисе урынбасары Данис Шакиров сөйләде.

“Worldskills дөнья чемпионатының дирекциясе белән киңәшләштек, “Уйнагыз, гармуннар”, “Түгәрәк уен” фестивальләре туристик маршрутка кертелгән һәм чит ил кунаклары өчен дә күрсәтеләчәк. Г.Камал исемендәге Татар дәүләт академия театры, Кремль, Бауман урамнары махсус алар өчен сайланды. Фестивальнең дөнья чемпионаты белән беррәттән икәнен аңлыйбыз”, - диде ул.

Татарстанның атказанган сәнгать эшлеклесе Халисә Исмәгыйлева әлеге фестивальләрне татар халык иҗатының үзәге дип саный. “Татарстанның йөз еллыгын гармунда күрсәтү йөкләнгәннән соң, мин нәрсәдән башларга кирәк икәнлеге турында уйландым. Харрас Әюпның шигырьләр җыентыгына тап булдым. “Урамнарда гармун бәйрәмнәре өзгәләнә” шигыре бөтен татар тарихын чагылдырган”, - дип искәртеп узды ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10