ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Мәдәният

“Уйнагыз, гармуннар” фестивалендә ун балага гармун бүләк ителәчәк

26 август 2019, 13:20

Уен кораллары Татарстанның Мәдәният министрлыгы заказы белән эшләнгән.

(Казан, 26 август, "Татар-информ", Зилә Мөбәрәкшина). Быел Татарстанның Мәдәният министрлыгы яшь гармунчыларга махсус ун гармун эшләткән. Уен кораллары “Уйнагыз, гармуннар” фестивалендә бүләк буларак тапшырылачак. Бу хакта “Татар-информ” агентлыгында узган матбугат конференциясендә Татарстанның атказанган сәнгать эшлеклесе, режиссер Халисә Исмәгыйлева сөйләде.

“Балалар республика буенча төрле конкурсларда җиңеп, сайлап алынганнар. Әйтик, “Созвездие – Йолдызлык” фестивале һ.б. Республика буенча ул балаларның барысы да Мәдәният министрлыгына билгеле”, - диде ул.

Татарстанның халык артисты Фердинанд Сәлахов гармунны бер генә оста эшләмәвен әйтте. “Мәсәлән, бер гармунны ясар өчен генә дә берничә ай кирәк. Тотып караганда гына бик җиңел һәм кечкенә кебек, әмма аның мәшәкате күп. Бер гармунның бәясе утыз меңнән дә ким була алмый. Гармун кыйммәт булган саен сыйфаты да яхшырак”, - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10